Gin-akusaran sang legal counsel ni Vice President Sara Duterte si National Bureau of Investigation Chief Melvin Matibag nga nangin “politically biased” ini sa imbestigasyon kay former policeman Rodulfo M. Gracioso Jr. angut sa mga alegasyon batuk sa bise presidente.
Madumduman nga ginaimbestigahan sang NBI si Gracioso angot sa mga alegasyon sang milyones nga cash deliveries nga nabaton sang bise president kag sang iya pamilya.
Suno kay Atty. Paul Lawrence Lim, isa sa mga miyembro sang counsel, ginadudahan ang pag-uyat ni Matibag sang imbestigasyon bangod sang mga opinion articles nga ginsulat sini batok kay VP Sara.
Dugang pa niya nga posible nga maghatag sang pabor kay Gracioso ang mga public disclosures sang imbestigasyon ni Matibag kag maka-imply sang guilt sa mga Duterte samtang nagapadayon ang impeachment trial.
Text by: Bombo Paula Yvonne Alavarta
