Indi gid mabaton ni Ferenie Tabanda ang brutal nga kamatayon sang iya manghod, rason sang iya nga kaakig sa nag-ako nga suspetsado nga si Aljohn Jalbuna.
Sa interview sang Bombo Radyo kay Ferenie, gin-ako niya nga gusto sini sakiton ang suspetsado agud mapautwas ang iya kaugot.
Ginpaandaman pa gid niya ang suspetsado nga dapat indi na ini makagwa kag dapat man ini maghanda sa mga posible nga konsekwensya sang iya ginhimo.
“Hinulsulan gid sang iloy mo nga ginbata ka pa sang iloy mo,”mensahe ni Ferenie sa suspek.
Nagpasalamat naman si Ferenie sa madasig nga paghulag sang mga otoridad kag nadakpan gilayon ang suspetsado.
Si Jalbuna ang nag-ako nga nagpatay sa 18-anyos nga si alyas Jeje sa sulod sang iya kwarto sa ila balay sa Ingay, Tubungan, Iloilo.
