Ginpirmahan sang Pilipinas ang $1.14-billion ukon P63.5 billion nga balor sang loan agreements sa World Bank.
Suno sa Department of Finance (DOF), ang apat ka loan agreements ang ginpirmahan ni Finance Secretary Benjamin Diokno kag World Bank country director for the Philippines Ndiame Diop sa opisina sang ahensya sa Manila.
Ang pinakadaku sa agreements amo ang $750 million para sa Philippines First Sustainable Recovery Development Policy Loan nga amo ang magasuporta sa policy reforms nga naga-target sang pagproteher sa palibot kag sa climate resilience.
May yara man sang $276 million para sa duha ka proyekto sang Department of Agriculture-Bureau of Fisheries and Aquatic Resources (DA-BFAR) nga amo ang Mindanao Inclusive Agriculture Development Project kag ang Philippine Fisheries and Coastal Resiliency Project.
May yara man sang $110-million loan agreement para sa Teacher Effectiveness and Competencies Enhancement Project sang Department of Education nga nagatuyo nga mapaayo ang access sang edukasyon sa Zamboanga, Soccsksargen, kagsa Bangsamoro Autonomous Region in Muslim Mindanao.
Base sa latest data available halin sa Bureau of the Treasury, ang kabug-usan nga utang sang Pilipinas ang yara na sa P13.911 trillion as of end-April, nga may P52.24-billion increase halin sang nagligad nga bulan. #
