Ginkumpirma sang Philippine Navy nga nakumpiskar sang Northern Luzon Naval Command (NLNC) ang 1.5 tonelada sang ginapasuni shabu nga nagabalor sang P10 billion halin sa isa ka fishing vessel sa Zambales.
Natabo ini 1:30 kaina sang kaagahon paagi sa joint operation sang NLNC kag Philippine Drug Enforcement Agency (PDEA).
Suno kay Navy spokesman Capt. John Percie Alcos, dal-on ang iligal nga droga sa Naval Operating Base sa Subic, Zambales para sa documentation kag pormal nga pagtugyan sa awtoridad.
Pahayag ni Alcos, rehistrado sa Pilipinas ang sakayan kun sa diin nakit-an ang illegal drugs, apang may yara sang foreign nationals nga nakasakay man sa vessel.
Ginakabig ini nga sa pinakadaku nga illegal drug apprehensions sa bug-os nga maragtas sang Philippine Navy.
