ILOILO CITY- Magalab-ot sa 1.5 million nga seedlings ang target nga itanom sa bug-os nga Probinsya sang Iloilo sa patigayunon nga Tanum Iloilo.
Sa interview sang Bombo Radyo kay Iloilo Governor Arthur Defensor Jr., iya ginpahayag nga pinaagi sa iya gin-isyu nga Executive Order No. 211, dululungan nga magatanom sang seedlings ang nanuhay-tuhay nga sektor sa probinsya.
Suno sa gobernador, ginaengganyo man ang tanan nga pumuluyo nga magtanom man sa ila mga ugsaran ilabi na ang mga fruit trees.
Pahayag sang opisyal, ini pagpakita nga wala ginakalimtan sang mga Ilonggo ang ila responsibilidad sa dunang manggad sa pihak sang pandemya.
Ang Tanum Iloilo ang patigayunon sa palaabuton nga Setyembre 26,alas sais sa aga.
