ANTIQUE – Patay ang isa ka tuig nga bata matapos nalumos sa baybay sa Barangay Atabay, Tobias Fornier, Antique.
Sa interview sang Bombo Radyo kay Police Staff Sergeant Richmond Roquero, imbestigador sang Tobias Fornier Municipal Police Station, iya ginpahayag nga ginpabantayan sang amay ang biktima sa iya anom ka tuig nga anak bangud may trabaho ini.
Samtang ang iloy naman ang bata ang nagabaligya pinaagi sa paglibod.
Sang nagpauli ang iloy sa ila balay, ginpangita niya ang iya duha ka mga anak sa diin nakit-an niya ang iya anom ka tuig nga anak nga nagapaligo sa baybay.
Sa amo man nga lugar, nakit-an sini nga naga-utaw-utaw na ang iya isa ka tuig nga anak.
Gindala pa kuntani ang isa ka tuig nga bata sa ospital, apang gindeklarar nga dead on arrival.
