JAPAN – Ginabantayan na ang pagdeklarar ni Prime Minister Shinzo Abe sang 1-month extension sang state of emergency sa Japan.
Suno kay Bombo International Correspondent Josel Palma, natalana sa Mayo 4 ang deklarasyon sang Prime Minister bangud sa nagasaka nga kaso sang Coronavirus Disease 2019 (COVID-19).
Ginpahayag ni Palma nga isa sa mga rason sang pagsaka sang COVID-19 case amo ang pagdungka sang Italian Cruise Ship sa port of Nagasaki kun sa diin kalabanan sa mga crew ang nagpositibo.
Sa pihak sini, ang tanan nga resident card holders sa Japan suno sa natungdan ang makabaton sang ayuda halin sa Japanese Government.
Sa subong, naglab-ot na sa 14,516 ang kumpirmado nga kaso, 3,466 naman ang naka recover kag 466 ang patay.
