1 patay, 1 pilason sa pagbunggo sang motorsiklo sa 10-wheeler truck

ILOILO CITY – Isa ang patay, isa ang pilason matapos nagbunggo ang ginamaneho nila nga motorsiklo sa 10-wheeler truck sa ginsang-an sa Barangay Tacas Jaro, Iloilo City.
Ang napatay nga biktima amo si Jademar Padrones samtang pilason naman si Tedy Balinton, lunsay pumuluyo sang Barotac Viejo, Iloilo.
Suno sa driver sang truck nga si Jonathan Luste, naghalin ini sa Ungka, Jaro kag mapadulong kuntani sa Buhang, Jaro sang ginbungguan ini sang nagahagunos nga motorsiklo.
Ginapahayag nga naghalin sa motocross competition sa Barangay Tacas, Jaro, ang mga biktima kag nagpakay-o lang sang break sang motorsiklo.
Nahibaluan nga nawasak gid ang ulo ni Padrones matapos nagsuhot ini sa idalom sang 10-wheeler truck.