Ginbawian sang kabuhi ang isa ka construction worker samtang nasamaran naman ang indi magnubo sa tatlo sa iya mga kaupdanan sa natabo nga aksidente sa isa ka construction site sa Bonifacio Global City sa Taguig subong nga Lunes, Oktubre 20.
Nag-collapse ang elevator core wall santo sa inisyal nga report. Gina-imbestigaran pa sang awtoridad sa pagpanguna sang Taguig City Police kun ano gid ang kabug-usan nga natabo.
“The victims were installing rebars at Basement 2 of the construction site when the elevator core wall suddenly collapsed, hitting the four workers,” suno sa Southern Police District sa isa ka statement.
Ginhingagaw pa dala ang mga biktima sa St. Luke’s Medical Center sa BGC para sa medical treatment, apang gindeklarar ang isa nga dead-on-arrival.
Ginapahayag nga ang construction site amo ang bag-o nga headquarters sang isa ka clothing line sa BGC.#
