ILOILO CITY- Padayon pa nga ginambestigaran sang otoridad ang natabo nga food poisoning sa masobra 30 ka mga estudyante sa Pili National High School sa Ajuy, Iloilo.
Sa interview sang Bombo Radyo kay Dr. Sarrie Masongsong, Municipal Health Officer, iya ginpahayag nga nagpatigayon sang United Nations celebration kag Acquaintance Party ang mga grade 11 students.
Suno kay Dr. Masongsong, nag-inom sang buko pandan juice nga may gatas ang nasambit nga mga estudyante kag sang ulihi nagreklamo sang pagpalanakit sang tiyan.
Isa naman ang napatay matapos sa amo nga ginaalegar food poisoning.
Ini ami si Ricky Ann Angel Bacacao 17, kag residente sang Malayu-an, Ajuy, Iloilo.
Magluwas sa mga estudyante, na-food poison man ang isa nila ka manunudlo.
