ANTIQUE – Isa patay kasunod sang padayon nga pagbubu sang ulan sa Antique.
Ang biktima ang una nga nareport nga missing kag nakit-an nga patay sa Brgy. Esperanza, Sibalom, Antique.
Sa exclusive interview sang Bombo Radyo kay Mr. Broderick Train, pinuno sang Provincial Disaster Risk Reduction and Management Office sa Antique, iya ginpahayag nga bangud sa wala untat nga pagbubu sang ulan kag mabaskog nga hangin, naguba ang pila ka mga balay.
“May death ta di isa sa Brgy. Esperanza, Sibalom, Antique. Amo na kahapon ang reported nga missing. May kapin 150 kita ka pamilya nga nag-evacuate.”
Lakip sa mga lugar nga apektado nga banwa amo ang San Jose, Sibalom, Hamtic, San Remegio, Culasi, kag Barbaza.
“Sa nabaton naton nga consolidated report, may ara kita anom ka mga banwa nga affected. Ini amo ang San Jose, Sibalom, Hamtic, San Remegio, Culasi, kag Barbaza,” pahayag ni Train.
