Isa patay samtang madamo naman ang pilason sang ginlaslas sang bagyo Noul ang Vietnam nga may dala nga mabaskog nga hangin kag ulan.
Madamo sang mga balay ang nagguba kag puno nga na-utod samtang ang mga poste naman sang kuryente ang natumba sa dalan sang Hue.
Suno sa mga otoridad, masobra isa ka milyon ka tawo sa tatlo ka mga probinsya kag sa syudad sang Danang ang nag-evacuate.
Tanan nga mga paluparan sa central Vietnam ang nagapabilin nga sirado samtang ginadumilian naman ang paglayag sang mga fishing vessels.
Sa subong, wala sang kuryente sa bahin sang Thua Thien Hue province.
