Isa ang kumpirmado nga patay sa Bicol Region samtang padayon ang paglaslas sang Super Typhoon Uwan sa dalagkuan nga bahin sang pungsod.
Ini suno sa report sang Office of Civil Defense (OCD).
Sandig sa pinakaulihi nga data sang OCD, naglab-ot na sa masobra 1.1 million ka mga indibidwal ukon masobra 300,000 ka mga pamilya ang nagpaidalom sa preemptive evacuation halin sa mga rehiyon sang Cordillera, Ilocos, Cagayan Valley, Central Luzon, Calabarzon, Metro Manila, Bicol, Western Visayas, Central Visayas, kag Eastern Visayas.
Pinakamadamo nga evacuees ang na-record sa Bicol Region nga mga masobra 600,000 ka mga indibidwal ukon masobra 100,000 ka mga pamilya, kag ginsundan ini sang Eastern Visayas nga may masobra 200,000 ka mga indibidwal ukon masobra 71,000 ka mga pamilya.
