1 patay sa pabungguanay sang bus kag motorsiklo

ILOILO CITY – Patay ang isa ka tawo samtang isa naman ang pilason sa pagbungguanay sang Ceres bus kag motorsiklo sa Gerona St., Guimbal, Iloilo.
Natabo ang aksidente sa atubang mismo sang police station sa banwa sang Guimbal.
Ang napatay nga biktima ang ginkilala kay Marvin Pagutao nga driver sang motorsiklo samtang pilason ang backrider sini nga si Jonel Gonzales, lunsay pumuluyo sang Guibongan, Miag-ao, Iloilo.
Ginpahayag sa Bombo Radyo ni Insp. Antonio Monreal, OIC sang Guimbal Municipal Police Station, head-on collision ang natabo sa tunga sang bus kag motorsiklo.
Hubog man ang nagamaneho sang motorsiklo nga napatay sa aksidente.
Nagsungka naman sa mga otoridad ang driver sang bus nga si Rudy Dapat.