ILOILO CITY – Naka-angkon sang gasgas sa lawas ang driver matapos nagbunggo sa taxi ang ginamaneho nga motorsiklo sa Rizal St., Iloilo City.
Ang driver sang motorsiklo ang ginkilala nga si Amerdin Malones, 22, sang Dumarao, Capiz samtang ang driver naman sang taxi amo si Joel Laida, 34, sang Brgy. Tamangi,San Dionisio, Iloilo.
Sa interview sang Bombo Radyo kay Malones, iya ginpahayag nga naghalin siya sa distrito sang Mandurriao kag padulong sa Fort San Pedro sang natabo ang aksidente.
Sa pagpaathag naman sang taxi driver nga si Laida, hana siya kun tani nga magliko sang hinali nga nagbunggo ang motorsiklo nga ginamaneho ni Malones.
Suno kay Laida, naka-signal light siya antes magliko sa diin iya pa nga nakita ang motorsiklo nga nagasunod sa iya taxi unit.
Ginpahayag ni Laida nga nakibot na lang siya nga nagbunggo sa kilid nga bahin sang iya ginamaneho nga taxi ang motorsiklo nga ginamaneho ni Malones.
