1 pilason sa pagpang-ambush sa Igbaras, Iloilo

ILOILO CITY–Isa ang pilason matapos ang pag-ambush sang mga rebelde nga grupo sa mga empleyado sang Century Peek Corporation sa Igbaras, Iloilo.
Sa interview sang Bombo Radyo kay SPO2 Confesor Escobañes sang Igbaras Municipal Police Station, nga ang ambush ang natabo sa Brgy. Igcabugao sang nasambit nga banwa.
Ginapahayag nga sakay sa pick-up ang mga empleyado sang Century Peek Corporation kaupod ang anum ka CAFGU escort.
Ang mga natungdan ang nagpatigayon sang clearing operation sa landlside site sa nabukid nga bahin sang Igbaras, Iloilo.
Sang nagapapauli na ang mga empleyado kag ang mga CAFGU, hinali lang nga ginpaarakan sila sang luthang sang mga rebelde.
Naigo sa pusugpusugan ang isa sa mga empleyado nga si Shella Mae Esteves.