DUEÑAS, ILOILO – Indi pa matumod sang natungdan kun kabahin sang organized group ang nagpatigayon sang robbery hold-up.
Lakip sa mga nabawi gikan sa suspek amo ang linibo nga kwarta, wallet kag cellphone sang mga biktima.
Patay ang isa sa tatlo ka kawatan matapos nagbato sa hot pursuit operation kasunod sang duha ka robbery hold-up sa Dingle, Iloilo.
Sa interview sang Bombo Radyo kay Police Captain Fernando Punzalan Jr., hepe sang Dingle Municipal Polioce Station, iya ginpahayag nga duha ka robbery hold-up ang natabo pasado 5:00 kaina sang kaagahon sa magkatuhay nga barangay sa nasambit nga banwa.
Suno kay Punzalan, ang una nga robbery hold-up ang natabo sa Brgy. Camambugan kun sa diin duha ang biktima kag ang ika duha nga insidente ang natabo sa Brgy. Tabugon kun sa diin isa ang biktima.
Ginpahayag ni Punzalan nga modus sang mga motor-riding suspects ang pagbantay sa mga naga-agi sa national highway sa tion sang kaagahon.
Pagkatapos nga na report ang tuhoy sa natabo nga robbery hold-up, ginpahayag sang hepe nga gilayon sila nga nagpatigayon sang hot pursuit operation kun sa diin nagbato ang isa sa mga suspek nga nakilala nga si Joan Lego sang Brgy. Bagongbong, Lambunao, Iloilo apang ginpanginwala sang pamilya Lego nga ila himata ang napatay.
Wala anay ginhingadlan sang suspect ang mga kaupod ni Lego bangud nga nagapadayon pa subong ang hot pursuit operation.
Nakaalerto naman ang mga pulis sa kaiping nga banwa kun sa diin posible nalagyo ang duha pa ka mga suspek.
Indi pa matumod sang natungdan kun kabahin sang organized group ang nagpatigayon sang robbery hold-up.
Lakip sa mga nabawi gikan sa suspek amo ang linibo nga kwarta, wallet kag cellphone sang mga biktima.
Lakip sa mga nabawi gikan sa suspek amo ang linibo nga kwarta, wallet kag cellphone sang mga biktima.
Unidentifed sa gihapon ang suspek nga napatay sa hot pursuit operation sang otoridad.
Ini matapos nga gin-athag ni Wendelyn Lego, iloy ni Joan Lego, nga indi si Joan ang napatay nga suspek sa Twin Robbery incident.
Sa interview sang Bombo Radyo kay Lego, iya ginpahayag nga santo sa iya nakita nga bangkay nga yara sa punerarya, indi si Joan ang napatay sang mga pulis.
Suno kay Lego, madugay na nga wala nakapauli sa ila balay si Joan nga wanted bangud sa pila ka criminal records.
Ginpahayag ni Lego nga naga contact lamang paagi sa cellphone ang iya anak nga masobra na sa isa ka tuig nga wala nakapauli sa ila balay.
