Maga-umpisa na ang Commission on Elections (Comelec) subong nga adlaw, Agusto 1, sang voter registration para sa Barangay and Sangguniang Kabataan elections (BSKE).
Ini apisar sang posibilidad nga indi madayon ang piniliay sa Disyembre subong nga tuig.
Suno kay Comelec Chairman George Garcia, magalawig ang registration tubtub sa Agusto 10.
Gina-engganyo sang poll body ang tanan nga eligible voters ilabi na ang kabataan nga magparehistro agud nga makaboto.
Suno kay Garcia, ginapanan-aw sang Comelec ang ginabanta isa ka milyon nga bag-o nga registrants.
As of press time, wala pa sang aprubado nga layi nga nagapalawig sang termino sang barangay and SK officials ukon layi nga naga-postpone sang BSKE.
Nauna na nga ginpahayag ni Department of the Interior and Local Government (DILG) Secretary Jonvic Remulla nga paga-pirmahan ni President Ferdinand R. Marcos Jr. ang hagna nga amo ang maga-postpone sang December 2025 elections.
