Nagapadayon pa ang contact tracing sa natumod nga duha ka delta COVID-19 variant sa Pandan Antique.
Sa interview sang Bombo Radyo kay Dr. Jessie Glen Alonsabe, head sang Regional Epidemiology and Surveillance Unit sang Department of Health (DOH) Region VI, iya ginpahayag nga posible nga madugangan pa ang 10 ka close contact sang duha ka delta COVID-19 variant nga narekord sang Department of Health.
Gin-athag ni Alonsabe nga tubtob pa sa third generation ang contact tracing sa diin ang nauna nga 10, ang madugay na nga narekord apang gin-backtracing agud tun-an ang ila nga sirkumstansya.
Suno kay Alonsabe, sa subong, nakarekober na man ang mga ini sa diin natapos naman ang ila nga quarantine.
Nagpahibalo man suno sa iya ang DOH sa local government unit sang Antique angot sa close contact sang local cases sang delta COVID-19 variant baliskad sa alegasyon ni Antique Governor Rhodora Cadiao nga wala ginpahibalo ang probinsya.
