ILOILO CITY- 10 ka kabataan ang nagakautdan sang paa ukon tiil kada adlaw bangud sa giyera sa Gaza.
Base ini sa report sang head sang UN agency nga nagasuporta sa mga Palestinian refugees.
Suno kay United Nations Relief and Works Agency for Palestine Refugees in the Near East chief Philippe Lazzarini, ginabanta nga kapin sa 2,000 nga kabataan na ang nautdan sang till sa sulod sang masobra 260 ka adlaw matapos ang brutal nga giyera.
Dugang niya, ang pagpang-utod sa mga paa sang mga bata nga nagakapilisan sa giyera ang nakagatabo sa mga makaluluoy nga kondisyon kag kun kaisa, wala sang anesthesia.
Santo man sa data, masobra na sa 21,000 nga kabataan ang missing sa Gaza.
Kapin 17,000 sa ila ang ginapatihan nga nagaliho-liho nalang kag nagapanago samtang yara sa 4,000 naman ang ginapatihan nga nalakip sa mass graves.
