Ginbutang sa blacklist sang Department of Agriculture- Bureau of Plant Industry ang 10 ka mga kompaniya bangud sa pag- engage sa mga akto sang illegal trade.
Suno sa ahensya, ini nga mga kumpaniya ang naga- import sang mga utan, prutas kag iban pa nga mga food products nga wala sang sanitary kag phytosanitary import clearances.
Sa sini nga mga trading companies, apat ang indi lisensyado nga importers.
Ang apat naman ka iban pa ang nadiskubrehan nga involved sa anti-competitive practices, pareho sang price manipulation.
Suno kay Bureau of Plant Industry Director Gerald Glenn Panganiban, ginpangbawi ang mga lisensya sang blacklisted firms samtang gin-ban ang mga firms nga wala sang lisensya.
Ang pag-blacklist sa mga firms nga nagapatigayon sang illegal trading ang kabahin sang tikang sang ahensya nga mabatuan ang agricultural smuggling, profiteering, hoarding, kag cartel activities.
