ILOILO CITY – Nadakpan ang 10 ka mga miyembro sang Budol-Budol Gang sa isa ka resort sa Barangay Alacaygan, banwa sang Banate, Iloilo.
Naaresto ang mga suspek sa CRCI Beach Resort sang gintingob nga puwersa sang Banate Police Station kag San Jose PNP sa probinsiya sang Antique.
Sa interview sang Bombo Radyo Iloilo, ginpahayag ni Chief Insp. Jojo Tabaloc, hepe sang Banate Police Station, isa ka tigulang ang gintuyo nga biktimahon sang mga suspek rason nga nagpakig-angot sa iya ang classmate nga si C/Insp. Juvy Cordero, ang hepe sang San Jose Municipal Police Station agud i-intercept ang grupo.
Ang nagkaladakpan nga mga suspek ang ginalakipan nanday:
1. HONEY SUMAGAYSAY Y TABILLA, 60, San Andres Bukid, Manila
2. CAYRODING ABDUL SALAM, 31, San Andres Bukid, Manila
3. LATIP DATUMANONG Y GOAMAD, 22, San Andres Bukid, Manila
4. ELENA LICAUAN Y ANOTADO, 57, San Andres Bukid, Manila
5. ROSQUE PRIOR Y DALLEDA, 50, San Andres Bukid, Manila
6. OBQIEN VILLA BLANCA Y ALLAN, 54, sang Tagum City, Daval del Sur
7. LENY DELA CRUZ Y PRIOR, 60, sang Tagum City, Davao Del Sur
8. DANNY ORTIZ Y RAMOS, 40, Davao City
9. JEREMIAS BACUGRAY Y BAYOTAS, 69, Davao City
10. ROGELIO FELISELDA JR Y TAMPEPE, 27, Davao del Norte
Narekober gikan sa mga suspek ang 13 ka sachet sang shabu, duha ka unit sang .38 caliber revolver, nagkalain-lain nga alahas, 11 ka mga cellphones, drug paraphernalias kag cash nga nagabalor P24,400.