Ano bala ang imo paborito nga subject?
Mahilig ka bala sa Math, English, Filipino ukon Science?
Pat-od nga ma pa “WOW” ka gid sa 10 ka tuig nga elementary student sa England bangud sa pag solve sini sang multiplication kag division problems sa sulod lang sang isa ka minuto!
Masarangan mo man bala ina? Siya si Nadub Gill, estudyante sang Longmoor Primary School sa Long Eaton, England kag ginkilala sang Guiness World Record nga pinakamadasig sa pag solve sang math problems.
Kalingawan ni Gill subong nga may pandemya ang pag solve sang multiplication kag division problems sa diin iya nasabtan ang 196 ka mga multiplication kag division questions sa sulod lang sang isa ka minuto kag lunsay tanan insakto.
700 ka mga estudyante ang nag attempt nga maka break sang bag-o nga record sang Guinness apang wala sang may maka-pyerde kay Gill.
