Gin-aresto ang 10 sa alleged bagmen ni former Rep. Zaldy Co matapos nga wala nakapyansa sa perjury cases nga ila ginaatubang.
Suno kay Las Piñas acting police chief Col. Fermin Armendarez III, ginpaidalom na ang arestado nga “Maleta Boys” sa booking procedures kag sunod nga dal-on sa kustodiya sang pulis tubtub nga mabayaran nila ang bail.
Sini nga hapon, naka-post pa ang ila abogado nga si Atty. Levito Baligod nga nagapanawagan sang bulig.
“Mga kababayan, pwede ba ninyo kaming samahan dito sa Las Piñas dahil mula 8:30 ng umaga hanggang ngayon ay hindi na-process ng court ang pagpiyansa ng Brave 14,” suno sa iya nga Facebook post.
Nahibaluan nga gindagdag ni Judge Kathryn Sabado sang korte sa Las Piñas ang arrest warrant batok sa alleged bagmen. Ang kada count sang perjury ang may pyansa nga P18,000 gani may kinahanglan sila bayaran nga bail nga P72,000 sa apat ka counts.
Ini nga arrest warrants nag-ugat sa mga kaso nga ginpasaka nanday Rep. Leila de Lima, former senator Sonny Trillanes IV, former National Security Adviser Eduardo Año, kag Bureau of Corrections Director General Gregorio Pio Catapang Jr.
Antes sini, may apat sa anay 18 bagmen nga nagbawi sang ila nga statement.
