Nagsaka na sa 10 ang numero sang mga repatriates nga sakay sang Diamond Princess cruise ship nga nakitaan sang sintomas sang coronavirus disease 2019.
Suno kay Departement of Health Assistant Secretary Maria Rosario Vergeire, stable na subong ang kondisyon sang 10 ka mga repatriates.
Suno kay Vergeire, gilayon nga gindala ang 10 ka repatriates sa referral hospital sang Department of Health.
Pito diri ang nakagwa na ang resulta sang laboratory test kag lunsay nag negatibo sa COVID-19 samtang ginahulat pa ang resulta sang nabilin nga tatlo.
Madumduman nga una na nga ginpahayag sang Department of Health nga pito ka mga repatriates ang nag negatibo sa virus matapos maka eksperyensya sang soar throats kag on-productive cough.
