Yara sa 100 ka mga ido kag kuring ang naka-avail sang libre nga neutering services halin sa Iloilo Provincial Veterinary Office.
Ini kadungan man sa pagselebrar sang 124th Semana sang Iloilo.
Sa interview sang Bombo Radyo kay Dr. Darel Tabuada, Veterinarian sa Iloilo Provincial Veterinary Office, iya ginpahayag nga kaangot sang aktibidad, nag-imbetar ang talatapan sang mga veterinary halin sa Philippine Coast Guard (PCG) agud maka-augment sa amo nga programa.
Suno kay Tabuada, lakip sa mga libre nga ginatanyag sang provincial government amo ang bakuna, vitamins, purga, kag konsultasyon.
Naghatag naman sang sample sang dog foods ang mga kompanya nga partners Iloilo Provincial Veterinary Office.
Gin-athag man sini nga bukas sa tanan nga fur parents ang aktibidad ilabi na sa syudad sang Iloilo bisan pa nga ginadumala ini sang provincial government.
Tinutuyo sang aktibidad amo ang mapasangkad ang ihibalo sang mga responsible pet owners.
