ILOILO CITY – Ginbalik sang mga pumuluyo sang Brgy Aquino Nobleza East, Janiuay, Iloilo ang halos 100 ka sako sang bugas nga ila nabaton nga ayuda gikan sa barangay bangud sa ginapahayag malain nga baho.
Sa interview sang Bombo Radyo kay Alyas Berto, sang nasambit nga lugar iya ginpahayag nga nalipay na kun tani sila bangud nakabaton sila sang tag isa ka sako sang bugas nga ayuda gikan sa ila barangay apang sang ila ini nga gitig-ang may yara ini sang ini sang malain nga baho.
Suno kay Berto, daw kaangay nga may yara pa sang bulong ang nasambit nga bugas gani indi nila makaon.
Bangud diri, gilayon nila ini nga ginbalik sa barangay agud nga maislan.
Dugang sang natungdan, gilayon naman ini nga gin-islan sang barangay matapos nga nag-ako ang supplier nga may yara lang sang nangin problema sa pagdeliver sang bugas.
Apang ang ginakatingalahan lang nila amo kun ngaa ginsukot pa sila sang tag P100 sa pag-ilis sang ila bugas.
Samtang nagpaathag naman si Punong Barangay Ramona Brillo sang nasambit nga lugar nga gilayon nila nga ginpatawag ang supplier agud maislan ang bugas.
Dugang sang natungdan, wala siya sang ihibalo nga ginsukot pa sang tag P100 ang mga pumuluyo.
Santo sa pahayag ni Brillo, gin-ako man sang supplier mga may yara sila sang nangin kapaltahan sa pagdeliver sang mga bugas.
Nagdepensa naman si Brillo nga indi tuman ka lain ang baho sang bugas bangud nalaktan lang ini sang NFA.
