ILOILO CITY – Nagalab-ot na lang sa kapin 1,000 ang mga sibilyan nga na-trap sa Marawi sa padayon nga bakbakan sang puwersa sang gobyerno kag Maute group.
Sa interview sang Bombo Radyo Iloilo, ginpahayag ni Regional Assemblyman Zia Alonto Adiong nga gikan sa 2,200 sadtu, nabuhinan na ini bangud pila sa mga ini ang nakatabok na sa taytay padulong sa ginakabig nga safe zone.
Sa karon suno kay Adiong, makabig na nga mga survivors ang mga sibilyan nga padayon nga naipit sa kinagamo sa Marawi.
Apang kalabanan sa mga ini ang naga-eksperyensiya sang dehydration kag wala na sang makaon.
Samtang ginpahayag ni Adiong nga kulang pa ang P10 billion nga rehabilitation fun nga gintigana sang gobyerno para sa pagbangon sang Marawi.
Madamo suno sa opisyal sang plano ka mekanismo nga dapat ipatuman agud masiguro nga indi na magbalik ang radical extremism.
Sa karon suno kay Adiong, indi pa masiguro kun pila ang balor sang kahalitan sa tatlo ka semana na nga kinagamo sa Marawi.