Tagpila ka-bombo ang face shield nga imo ginabakal?
Ang face shield ang mandatory na nga ginagamit subong bangud sa pandemya ilabi na kun magsulod ka sa mga mall.
Kun iban sa inyo ang naga-reklamo sa P70 tubtob P100 nga balor sang face shield, ano na lang ayhan ang imo mabatyagan kun baligyaan ikaw sang $1,000 ukon P48,000 nga balor sang face shield?
Isa ka luxury brand ang nagpaguwa sang mamahalon nga face shield.
Kun masarangan mo man lang ang kantidad nga P48,000, dali na kag magbakal sang face shield nga may visor nga human sa plastic-like material, fabric trim nga may signature monogram sang kompaniya, elastic strap kag golden studs nga may pangalan sang luxury brand.
Ang visor ang human gikan sa photochromatic material nga naga-baylo halin sa transparent tubtob sa mangin tinted kun ma expose ini sa butlak sang adlaw.
Ini nga stylish face shield ang imo mabakal umpisa Oktubre 30, 2020.
