𝗔𝗡𝗧𝗜𝗤𝗨𝗘 — Kapin 10,000 ka mga benepisyaryo ang nakabaton sang presidential assistance for farmer, fisherfolk, and their family’s program.
Ini kasunod man sang papadulong subong nga adlaw ni President Ferdinand Marcos, Jr. sa Antique agud nga maghatag sang ayuda sa mga mangunguma kag fisherfolk nga naapektohan ang El Niño Phenomenon.
Sa interview sang Bombo Radyo kay Governor Rhodora Cadiao, iya ginpahayag nga naghatag sang positibo nga paglaum sa mga Anqtiqueño ang personal nga pagpadulong ni Pres. Marcos sa ila nga probinsya agud nga maghatag sang bulig.
Suno kay Cadiao, dako nga pag-uswag ang nahatag nga bulig sang gobyerno sa ila probinsya ilabi na sa tagsa ka sektor sang ekonomiya.
Ginpahayag man sini nga tuman ka swerte ang mga taga-Antique bangud isa ang probinsya sa mga labing-una nga nakabaton sang mga programa sang gobyerno.
Nagpanugyan man ang gobernadora sa presidentenga kuntani, indi madula ang Anqtiue sa tanan nga plano sang gobyerno agud magapadayon ang pag-uswag sini.
Naghatag naman ang Local Government Units sang Antique sang 5 kilos nga bugas, samtang 5 kilos naman ang halin kay House Speaker Martin Romualdez.
Nahibaluan nga kaupod ni Pres. Marcos nga nagpanagtag sang ayuda amo sang Department of the Interior and Local Government Secretary Benjamin Abalos Jr., Department of Agriculture Secretary Francisco Tiu Laurel, kag Department of Social Welfare and Development Sec. Rex Gatchalian.
