10,000 ka mga mangroves, gintanom sang 65 anyos nga lalaki sa sulod sang lima ka-tuig sa Leyte

LEYTE – Gintanom sang 65 anyos nga lalaki ang 10,000 ka mga mangroves sa sulod sang lima ka-tuig sa Matalom, Leyte.

Ang lalaki amo si Gary Dabasol, residente sang amo nga lugar.

Suno kay Dabasol, gintanom niya ang mga mangroves matapos ginlaslasan sang bagyong Yolanda ang ila nga lugar.

Pahayag sang natungdan nga nakabulig gid ang mga mangroves batok sa bagyo bangud ginapunggan sini ang mabaskog nga balod nga nagahampak sa baybayon.