ISRAEL– Ginpaidalom sa quarantine ang ginpahayag 10,000 ka mga persona lakip na ang mga manunodlo sa Israel bangud man sa coronavius disease 2019.
Suno kay Bombo International Correspondent kay Anne Julie Siasat direkta sa Israel, iya ginpahayag nga liwat nga ginpasarado ang 31 ka mga buluthuan bangud may yara sang mga estudyante nga nagpositibo sa coronavirus disease 2019, matapos ginpahanugutan nga magbukas na ang amo nga mga eskwelahan.
Suno kay Siasat, ang mga naka-quarantine ang ginabug-usan sang mga manunudlo kag mga estudyante, sa diin ang mga ini ginpahamtang sa nga hotels.
Sa bahin naman sang mga restaurants suno kay Siasat, may yara na sang mga nagabukas, apang para lang ang mga ini sa take out.
Strikto man suno sa iya ang pagpatuman sang physical distancing, pagsuksok sang face masks sa pampubliko nga lugar, kag paggamit sang gloves agud magsakay sa pampubliko nga transportasyon.
Nahibaluan nga sa subong, may yara na sang 17,342 ka kaso sang coronavirus disease 2019 ang Israel sa diin, 14,955 ang nakarekober, samtang 290 naman ang nagkalamatay.
