Nakaabot na sa Pilipinas ang 10,000 metric tons (MT) sang fresh yellow onions nga makabulig nga magapabilin nga estable ang presyo sang domestic stocks sa mga mercado sa pungsod.
Base sa data sang Bureau of Plant Industry (BPI), ini nga 10,370 MT sang fresh yellow onions ang na-import sa Pilipinas as of Oct. 24.
Ini nga latest figure amo ang 65 percent sang 16,000 MT import volume nga aprubado ni Agriculture Secretary Francisco Tiu Laurel Jr. sang Agusto kasunod sang ginalantaw nga pagnubo sang stocks sang locally produced yellow onions.
Sa sini nga imports, 1,173 MT ang napasulod sa August, samtang 5,857 MT sa September kag 3,140 MT sang October.
Base sa monitoring sa Metro Manila markets, nagatupa na ang presyo sang yellow onions sa P70 to P140 per kilo samtang ang locally produced white onion supplies naman ang nagabili sang P90 and P140 per kilo base sa latest Department of Agriculture (DA) price monitoring report.
Sa pihak nga bahin, nagapabilin naman nga estable ang presyo sang locally produced nga pula nga bombay nga P70 to P150 per kilo apisar nga wala sang importation program para sa amo nga produkto subong nga tuig.
Base sa data sang BPI, wala sang bisan isa nga pula nga bombay ang napasulod sa Pilipinas bangud ginpaiway anay sang DA ang importation plano bangud sa bumper harvest subong nga tuig.
Ang locally produced stocks sini ang ginalantaw man nga makadangat tubtub sa una nga quarter sang 2025.
May yara pa sang at least 77,675 MT sang red onions sa local cold storages base sa separado nga BPI report.
