Magatanom sang 10,000 ka mga kahoy sa palibot sang Iloilo bwas, Hunyo 25, kadungan sang selebrasyon sang Arbor Day.
Pangunahan ini sang Federation of Iloilo Provincial Service Point Officers, Inc. paagi sa Office of the Provincial Population Officer.
Kalakip sa ipangtanom amo ang mangroves, native kag indigenous trees, kag fruit-bearing trees.
Patigayunon ang dululungan nga pagpangtanom sa nanuhay-tuhay nga barangay sa tanan nga banwa sa probinsya.
Ini nga aktibidad ang kabahin sang programa nga Tanum Iloilo nga amo ang flagship environmental program kag “grow-a-tree” campaign sang Iloilo Provincial Government.
