Ginalauman nga maabot ang dugang nga mga COVID-19 vaccines sang China-made Sinovac sa Western Visayas sa Hunyo 30.
Sa interview sang Bombo Radyo kay Atty. Suzette Mamon, Iloilo Provincial Administrator, iya ginpahayag nga 100,000 doses sang bakuna ang ginpa-in para sa Western Visayas magluwas lang sa syudad sang Iloilo nga may yara sang 50,000 doses.
Sa 100,000 doses, yari ang pagpahat-pahat sang bakuna sa mga probinsya kag syudad sa rehiyon 6;
Aklan – 8,160
Antique – 8,240
Bacolod City – 7,800
Capiz – 10,840
Guimaras – 2,520
Iloilo – 27,640
Negros Occidental – 34,800
Suno kay Mamon, sa tion nga mabaton sang probinsya ang dugang mga bakuna, gilayon ini nga ihatag sa mga kabanwahanan agud madasig ang pagpatigayon sang vaccination.
Nagalaum ang natungdan nga kada semana may yara sang bakuna nga ipadala sa Western Visayas agud nga mapadasig man ang paglab-ot sang target nga mabakunahan ilabi na sa probinsya sang Iloilo.
