ILOILO CITY- Nasuguran na sang Iloilo City Goverment ang pagtanom sang 100,000 ka mga ornamental plants kag native trees.
Sa interview sang Bombo Radyo kay Engr. Neil Ravena, pinuno sang Iloilo City General Services Office, iya ginpahayag nga katuyuan sini nga ma-rehabilitate ang mga areas kun sa diin nagkalamatay ang mga tanom bangud sa El Niño.
Suno kay Ravena, nagkonsulta man sila sang mga eksperto agud matanom ang mga kahoy nga indi madali-dali mapatay sa sobra nga init ukon ulan.
Ini nga tanom ang ipangtanom sa public plaza,center island, street landscape kag sa Garden of Love.
Target sang syudad nga matapos ini sa Disyembre 2024.
