ILOILO CITY – Naglab-ot sa 101 ka mga barangay sa syudad sang Iloilo ang nag-apply agud nga mangin drug-cleared.
Sa interview sang Bombo Radyo kay Shey Tanaleon, acting spokesperson sang Philippine Drug Enforcement Agency 6, iya ginpahayag nga ang 101 ka mga barangay ang ginabug-usan sang 6 sa Mandurriao, 11 sa Molo, 6 sa La Paz, 33 sa City Proper, 33 sa Jaro, 1 sa Lapuz kag 11 sa Arevalo.
Suno kay Tanaleon, ang screening ang patigayunon kadungan sang 17th Regional Oversight Committee on Drug Clearing sa Disyembre 17 apang wala pa sang venue.
Ginpahayag ni Tanaleon nga ang mga barangay nga nag-apply agud mangin drug-cleared ang ginakabig nga slightly to moderately affected kun illegal drugs ang pagahambalan.
