ILOILO CITY – Nadugangan sang 104 ang kaso sang Coronavirus Disease 2019 (COVID-19) sa Western Visayas kun sa diin naglab-ot na sa 3,361 ang kabug-usan nga numero.
As of August 22, 1,127 gikan sa 1,244 ka laboratory results ang nagnegatibo kun sa diin sa 117 ka positibo, 4 diri ang ginpaidalom sa repeat test.
Nadugangan man sang 56 ang mga pasyente nga nag-ayo kun sa diin 1,514 na ang kabug-usan nga numero sang mga naka-recover samtang nagapabilin sa gihapon sa 53 ang patay.
Naglab-ot sa 1,794 ang total active cases sa Rehiyon 6.
Kun pahat-pahaton naman ang 104 ka panibag-o nga kaso, 1 ang sa Guimaras, 10 sa Iloilo Province, 35 sa Negros Occidental, 45 sa Bacolod City kag 13 sa Iloilo City kun sa diin 1 ang Authorized Person Outside Residence, 2 ang Returning Overseas Filipino kag 101 ang Local.
Sa subong, ang Aklan ang may 9 ka COVID-19 cases, Antique nga may 25, Capiz nga may 18, Guimaras nga may 33, Iloilo Province nga may 318, Negros Occidental nga may 310, Bacolod City nga may 491, Iloilo City nga may 682, ROFs, LSIs kag APORs nga may 1,475 kag 34 ang nalakip sa Tagged to other regions.
