MAASIN, ILOILO – Nagapadayon pa ang ginahimo nga contact tracing sa mga na close contact sang pinakatigulang nga napatay bangud sa Coronavirus disease 2019 (COVID-19) sa bilog nga Pilipinas.
Ini amo ang 105 anyos nga lalaki halin sa banwa sang Maasin, Iloilo.
Sa exclusive interview sang Bombo Radyo kay Maasin, Iloilo Mayor Francis Amboy, iya ginpahayag nga gindala sa ospital ang pasyente matapos nagmasakit tubtub nakitaan sang sintomas sang COVID-19.
Ginapatihan nga nalatnan ang biktima sang COVID-19 sa sulod mismo sang ospital.
Ginkuhaan sang swab sample ang biktima sang ini ang buhi pa kag sang napatay natukiban nga nagpositibo ini sa COVID-19.
Gilayon naman nga ginpaidalom sa strict home quarantine ang pamilya kag iban pa nga nakaupod sang pasyente.
Magluwas sini, natalana man ang mga nga ipaidalom sa real-time reverse transcription polymerase chain reaction (RT-PCR) test ang mga na close contact sang nasambit nga pasyente.
