ILOILO CITY – Naglab-ot sa 11 ka mga barangay sa syudad sang Iloilo ang nalakip sa watchlist kun COVID-19 cases ang pagahambalan.
Sa interview sang Bombo Radyo kay Mayor Jerry Treñas, iya ginpahayag nga ang 11 ka mga barangay ang may yara sang duha ka COVID-19 cases sa period nga Oktubre 1-3.
Ang mga barangay amo ang:
Airport kag Calajunan sa Mandurriao
Cubay, San Roque, Fajardo kag Quintin Salas sa Jaro
Divinagracia sa La Paz
Don Esteban sa Lapuz
Rizal Pala Pala 1 sa City Proper
Sta. Cruz sa Arevalo
San Antonio sa Molo
Samtang, tatlo ka mga barangay nga nauna na nga ginpaidalom sa lockdown ang may zero COVID-19 cases humalin sang Oktubre 1-3.
Ini ang ginalakipan sang MV Hechanova, Simon Ledesma kag Bitton sa Jaro kag Villa Anita sa City Proper.
Ginpahayag man sang alkalde nga nag-abot na ang delivery sang dugang nga masks, Personal Protective Equipment kag gloves gikan sa Department of Health.
Magluwas diri, nagdonar man sang masks, Personal Protective Equipment, gloves, goggles, alcohol kag bulong ang Federation of Filipino Chinese Chamber of Commerce and Industry.
Ang nasambit nga mga donasyon ang ginkarga sa barko sang Philippine Navy gikan sa Metro Manila.
