ILOILO CITY – 11 pa ka drug personalities ang nagapaidalom sa drug rehabilitation sa Brgy. Tabucan, Mandurriao, Iloilo City.
Sa interview sang Bombo Radyo kay Brgy. Kagawad Melina Belandres, iya ginpahayag nga tatlo ka bulan ang drug rehabilitation sang drug personalities.
Suno kay Belandres, ini man ang rason kun nga-a wala nalakip sa drug-cleared barangay sa syudad sang Iloilo ang ila lugar.
Ginpahayag man ni Belandres nga sa subong, may mga programa nga ginapatigayon sa ila barangay agud nga matapna ang illegal drugs.
Kadungan sini, gin-imbitar ni Belandres ang iya mga kasimaryo nga magpakigbahin sa Dugong Bombo 2019 nga patigayunon sa Nobyembre 16.
Suno kay Belandres, siya mismo ang nagadonar man sang dugo agud nga makabulig sa mga nagakinahanglan sang blood transfusion.
Ginpahayag man sang natungdan nga magapakigbahin siya sa palaabuton nga Dugong Bombo 2019.
