Nakarekord ang Department of Health Region 6 sang 11 ka mga firecracker incident sa Western Visayas.
Sa interview sang Bombo Radyo kay Dr. Bea Natalaray, pinuno sang non-communicable disease section sang Department of Health Region 6, iya ginpahayag nga sa 11 ka mga firecracker incident, apat nga mga biktima ang gindala sa ospital samtang pito naman sa rural health unit.
10 naman sa ila ang lalaki kag isa ang babaye sa diin ang ila edad ang yara sa apat ka tuig tubtob 45 anyos.
Suno kay Natalaray, sa 11 ka mga biktima, pito amo ang nalukpan sang boga sa mata nga isa ka iligal nga palupok.
Ang mga nalukpan ang nagikan sa Antique nga may duha ka mga biktima, isa sa Aklan, isa sa Capiz, lima sa probinsya sang Iloilo, isa sa Bacolod City kag isa man sa Negros Occidental.
Dugang pa sang natungdan, wala sang reported stray bullet incident sa rehiyon 6 subong nga tuig.
