BAROTAC VIEJO, ILOILO – Nagkalaguba ang 11 ka mga balay sa Barangay Delapeña kag Barangay California sa banwa sang Barotac Viejo, Iloilo bangud sa buhawi.
Sa interview sang Bombo Radyo kay Police Staff Sergeant Jet Andayao, imbestigador sang Barotac Viejo Municipal Police Station, iya ginpahayag nga walo ka mga balay ang natigayon nga magguba sa Delapeña kag tatlo naman sa California.
Suno kay Andayao, magluwas sa mga nagguba nga balay, napatay man ang 115 ka mga bibe sa lugar.
Dugang pa sang natungdan, nakapadulong naman sa mga nasambit nga barangay ang Municipal Disaster Risk Reduction and Management Office agud nga tsekyaron kag mabuligan man ang mga apektado sang buhawi.
