Hilway na ang 11 ka mga Pinoy seafarers nga una nga gin-report nga missing matapos ang pagsigabong sa warehouse sa pantalan sa Beirut, Lebanon sa diin indi magnubo sa 100 ang patay kag 4,000 ang pilason.
Sa statement sang Department of Foreign Affairs, ang 11 ka mga seafarers ang yara na sa paghinakop sang ila shipping companies apang nakaangkon ang mga ini sang minor nga mga kapilasan.
Samtang ang numero sang mga Pilipino nga napilasan ang nagsaka na sa 24.
Gin-deklara naman ni Prime Minister Hasan Diab nga “a day of mourning” kag nagpatawag naman sang “urgent” defense council talks si President Michel Aoun.
