ILOILO CITY – Dakop ang 11 ka mga kalalakihan lakip na ang duha ka kapitan matapos nga ginapahayag nag-inom sang makahululubog nga ilimnon sa isa ka kapehan sa Iloilo Terminal Market.
Ang mga nagkaladakpan amo sanday Alain Ray Depatillo, Barangay Kapitan sa Rizal Pala Pala 1; Woody Delariarte, Barangay Kapitan sa Barangay Kauswagan, City Proper; Noel Capalla, anay Barangay Kapitan sang Barangay Cochero, Molo; Jose Alexis Rojo; Rigor Porras; Roel Villarimo; Melchor Manuel Blancaflor; Maria Paz Domingo, tag-iya sang kapehan; Rick Seguiter Jr.; Marki Bergantinos; kag Martie Matias.
Sa interview sang Bombo Radyo kay PMAJ Francisco Paguia, hepe sang Iloilo City Police Station 1 base sa impormasyon nga ginpalab-ot sa ila sang isa ka concerned cetizen ginpahayag nga wala naga sunod sa physical distancing ang 11 samtang naga inom sang makahululubog nga ilimnon.
Suno kay Paguia, gilayon naman nga gin release ang mga nasambit nga persona bangud nga indi sila mapasakaan sang kaso bangud man wala sang witness kag wala sang ebidensya ukon wala nila naaktuhan nga nagalapas sa nasambit nga pagsulundan ang mga persona.
