Ginpasakaan sang nagkalain-lain nga kaso kriminal sang National Bureau of Investigation (NBI) ang pila ka mga nakaupod sang kontrobersyal nga flight attendant sang Philippine Airlines sa City Garden Grand Hotel sa Makati City kasunod sang iya kamatayon sang New Year’s Day.
Ang biktima amo si Christine Angelica Dacera, 23, kag residente sa Brgy. San Isidro, General Santos City.
Lakip sa mga ginpasakaan sang kaso amo sanday: Mark Anthony Rosales, Rommel Galido, John Pascual dela Serna III, Darwin Joseph Macalla, Gregorio Angelo Rafael de Guzman, Jezreel Rapinan, Alain Chen, Reymar Englis, Atty. Neptali Maroto, Louie de Lima kag Southern Police District Medico Legal Officer Police Maj. Michael Sarmiento.
Matandaan nga si Sarmiento ang nagpatigayon nga embalsamaron ang lawas ni Dacera sa diin may yara sang pahanugot sang iya pamilya.
Ang iban pa sa ginpasakaan sang kaso sang NBI ang lunsay mga abyan ni Dacera nga una na ginpasakaan sang kaso nga rape kag homicide sa Makati City Prosecutor’s Office.
Lakip sa mga ginpasaka nga kaso sang NBI sa Department of Justice (DOJ) amo ang : administering illegal drugs, attempt to deliver or to give away illegal drugs, perjury, obstruction of justice, reckless imprudence resulting in homicide, falsification of an official document by a public officer.
Ang ginpasakaan sang kaso nga Obstruction of Justice amo sanday:
- Mark Rosales;
- Rommel Galido;
- John Dela Serna;
- Gregorio De Guzman;
- Jezreel Rapinan;
- Alain Chen;
- Reymey Englis;
- Darwin Macalla; kag
- Neptali Maroto (lawyer)
Ang mga ginpasakaan naman sang kaso nga ‘Reckless Imprudence Resulting in Homicide’ amo sanday:
- John Dela Serna;
- Jezreel Rapinan;
- Alain Chen; kag
- Louie De Lima
Yari naman ang mga ginpasakaan sang kaso nga ‘Perjury’:
- Rommel Galido;
- John Dela Serna; kag
- Darwin Macalla
Ang ginpasakaan naman sang ‘Drug Charges’ amo sanday:
- Mark Anthony Rosales; kag
- Rommel Galido
Ginpasakaan naman sang kaso nga ‘Falsification of Public Documents’ si Southern Police District Medico Legal Officer Police Maj. Michael Sarmiento
Ini ang ginkalipay sang pamilya Dacera sa diin ginakabig nila nga ‘redemption’ ang pag-uswag sang kaso.
