Ginbuyagyag sang ambassador sang Myanmar sa United Nations nga may 11 ka mga Myanmar diplomats nga yara subong sa Estados Unidos kag sa iban pa nga pungsod kag nagapamalibad pa nga magpauli.
Ini nga mga diplomats ang ginapahayag nagatukod sang united front agud magprotesta sa military junta sa Myanmar.
Suno kay Myanmar Ambassador Kyaw Moe Tun, ini nga 11 ang kabahin sang 20 ka diplomats sa pito ka mga pungsod nga nagapasakop sa civil disobedience movement agud pamatukan ang kudeta nga ginpatuman halin sang Pebrero 1.
Sa 11 nga mga diplomats, apat ang yara sa Washington, tatlo sa Los Angeles, kag apat sa Geneva sa Switzerland.
Ang iban sa ila ang yara sa Canada, France, Germany, Israel kag Japan.
