Patay ang 11 ka tawo samtang tatlo naman ang kritikal matapos ginbungguan sang 14-wheeler truck ang isa UV Express van kag pareho nga nahulog sa pil-as sa Brgy. Libod, Camalig, Albay.
Kalakip sa mga napatay amo ang mga bata kag mga estudyante.
Ginbawian man sang kabuhi ang driver sang van.
Nangin mabudlay naman ang pagresponde sang mga rescuers bangud nga nagupi gid ang van kag naipit ang mga biktima kag napit-alan pa sang truck.
Naglawig pa sa apat ka oras antes nakuha ang lawas sang mga biktima.
Padayon pa ang imbestigasyon sang otoridad angot sa trahedya.
