ILOILO CITY –Naglab-ot na sa 110 ka mga barangay sa Western Visayas ang naapektuhan sang pagbaha bangud sa wala untat nga pag-ulan nga dala ni bagyo Agaton.
Sa interview sang Bombo Radyo kay Cindy Ferrer, spokesperson sang Office of Civil Defense)OCD) Region 6, iya ginpahayag nga base sa ila data, yara sa 9521 ang apektado nga mga pamilya sa Iloilo, Aklan, Capiz, kag Negros Occidental.
Suno kay Ferrer, katumbas ini sang 38, 050 ka mga indibidwal.
Samtang, padayon man ang augmentation sang search, rescue and retrieval team sang OCD-6 upod man ang team sang Philippine Coast Guard kag Philippine Air Force sa mga apektado nga areas.
