Naghatag sang bulig ang Bureau of Fisheries and Aquatic Resources Regional Office VI (DA-BFAR 6) sa mga manugpangisda sang Anini-y, Antique, kahapon nga adlaw, Oktubre 20, kasunod sang National Week for Overcoming Extreme Poverty.
Lakip sa ila ginhatag sang ahensya amo ang 11,000 ka tilapia fry, tatlo ka fiberglass-reinforced plastic (FRP) boats kag monofilament nylon fishing lines.
Ginpangunahan ini sang National Anti-Poverty Commission (NAPC) nga ginpunto ang importansya agud batuan ang ka-imolon pinaagi sa paghatag sang nagakaigo nga bulig ukon long-term development para sa mga manugpangisda.
Nahibaluan nga napatigayon man ang nasambit nga aktibidad sa bulig sang LGU-Anini-y kag pila ka national government agencies, lakip na Department of Agriculture Western Visayas, Department of Social Welfare and Development, Department of Information and Communications Technology, Philippine Health Insurance Corporation (PhilHealth), Philippine Crop Insurance Corporation, Social Security System, Home Development Mutual Fund (Pag-IBIG Fund), Department of Labor and Employment, Department of Agrarian Reform, Technical Education and Skills Development Authority, kag Department of Trade and Industry.
